Sahibkarlığın İnkişafı Fondu auditor seçir

İqtisadiyyat Nazirliyi yanında Sahibkarlığın İnkişafı Fondu 2022-ci il üzrə maliyyə hesabatlarının kənar auditi ilə bağlı kotirovka sorğusu elan edib.

“Report” xəbər verir ki, sorğuda iştirak haqqı 100 manatdır.

İddiaçılar təkliflərini oktyabrın 20-si, saat 12:00-a qədər Fondun Bakı şəhəri, Yasamal rayonu, Abbas Mirzə Şərifzadə küçəsi, 172 ünvanında yerləşən inzibati binasına təqdim edə bilərlər.

Təkliflərə oktyabrın 21-də, saat 12:00-da qeyd olunan ünvanda baxılacaq.