“Rabitəbank”da yeni təyinat olub

Bakı. 8 yanvar. REPORT.AZ/ “Rabitəbank” ASC-də ictimaiyyətlə əlaqələr üzrə rəhbər vəzifəsinə təyinat olub.

“Report” Banka istinadən xəbər verir ki, bu vəzifəni Nərmin Seyidova icra etməyə başlayıb.

O, bundan əvvəl Azərbaycan Yelkənli İdman Federasiyasında, Azərbaycan Mühasiblər və Risk Peşəkarları Assosiasiyasında çalışıb, “Azərbaycan Mədəniyyət, İncəsənət və Elm evi” Gənclər Evi Sosial İnkişaf Proqramının, “Eurovison” mahnı müsabiqəsinin rəsmi fan-klubunun PR rəhbəri olub.