Çərşənbə axşamı səhər saatlarında qızılın qiyməti dolların məzənnəsinin azalması fonunda bir qədər böyüyür.
“Report” “Prime”a istinadən xəbər verir ki, bunu sövdələşmələrin məlumatları göstərir.
Belə ki, Bakı vaxtı ilə saat 09:02-yə olan məlumata görə, Nyu-Yorkun “Comex” fond birjasında fevralın qızıl fyuçerslərinin qiyməti 0,08% və ya 1,35 ABŞ dolları artaraq bir troy unsiyasına görə 1881,75 ABŞ dollarına yüksəlib. Eyni zamanda, gümüşün mart fyuçersləri 0,37% azalaraq bir unsiya üçün 26,448 ABŞ dollarına düşüb.
Daha ucuz dollar qızıl qiymətlərini dəstəkləyir, çünki bu halda xarici valyuta sahibləri üçün daha ucuz başa gəlir.
İnvestorlar ABŞ-dan gələn xəbərlərə reaksiya göstərməyə davam edirlər. Daha əvvəl Prezident Donald Tramp koronavirus pandemiyası ilə əlaqədar 900 milyard dollarlıq iqtisadi yardım paketini də özündə ehtiva edən 2021-ci ilin büdcəsini imzalayıb.