Bakı. 18 aprel. REPORT.AZ/ Azərbaycanda qızıl hasilatı ilə məşğul olan "Anglo-Asian Mining" şirkətinin xalis borcu 2016-cı ilin yekunu ilə müqayisədə 2 mln. dollar və ya 5,7% azalaraq 2017-ci il martın 31-nə 335,1 mln. dollar təşkil edib.
"Report"un şirkətə istinadən verdiyi xəbərə görə, bu müddətdə "Azərbaycan Beynəlxalq Bankı" ASC-yə (ABB) kredit borcu 1 mln. dollar və ya 15,6% azalaraq 5,4 mln. dollar olub. Bununla yanaşı, bankın şirkətə şirkətə açdığı kredit xətti isə 0,5 mln. dollardan 1,3 mln. dollara yüksəlib. Bundan başqa, I rübdə 0,5 mln. dollarlıq kredit məktubu (akkreditiv) imzalanıb.
Şirkətin "PAŞA Bank" ASC-yə borcu isə 2 mln. dollar və ya 33,9% azalaraq martın 31-nə 3,9 mln. manat olub. Martın 31-nə əsasən, şirkətin "Kapital Bank" ASC-yə kredit borcu dəyişməyərək 1 mln. dollar qalıb. Birinci rübdə "Anglo-Asian Mining" şirkətinin "YapıKredi Bank"a borcu 2,3 mln. manat və ya 4 dəfə artaraq martın 31-nə 3,0 mln. dollara çatıb.
Ümumilikdə, 2017-cı il martın 31-nə şirkətin borcu aşağıdakı şəkildə olub:
Kreditorlar | Borc (mln. dollar) |
Amsterdam Trade Bank - Agitation plant loan | 7,4 |
Gazprombank - Agitation plant loan | 7,4 |
International Bank of Azerbaijan - loan | 5,4 |
International Bank of Azerbaijan - credit line | 1,3 |
International Bank of Azerbaijan - letter of credit | 0,5 |
Atlas Copco equipment finance loan | 0,7 |
YapiKredit | 3,0 |
Pasha Bank | 3,9 |
Kapital bank | 1,0 |
Director | 3,8 |
Total loans | 34,4 |
Cash on hand and at bank | (1,3) |
Net debt | 33,1 |
Xatırladaq ki, “Gədəbəy” yatağında qızıl və gümüş 1997-ci il avqustun 21-də imzalanmış Hasilatın Pay Bölgüsü (PSA - Production Sharing Agreement) müqaviləsi çərçivəsində hasil olunur. Müqavilədə Azərbaycanın payı 51%, “Anglo-Asian Mining Plc.” şirkətinin payı 49% təşkil edir. “Gədəbəy” yatağında ilk qızıl hasilatına 2009-cu ildə, gümüş hasilatına isə 2010-cu ildə başlanıb.