“PAŞA Sığorta”nın rəhbərliyinə yeni təyinat olub

“PAŞA Sığorta” ASC-nin İdarə Heyətinə (İH) müvəqqəti yeni üzv seçilib.

“Report” şirkətə istinadən xəbər verir ki, bu, Ülviyyə Abbasovadır.

O, bundan əvvəl “PAŞA Sığorta”nın daxil olduğu “PAŞA Holdinq” MMC-də çalışıb və yeni vəzifəsində bir qədər əvvəl holdinqin maliyyə direktoru təyin edilmiş Murad Süleymanovu əvəz edib. Ü.Abbasova İH-nın üzvü kimi maliyyə blokuna rəhbərlik edəcək.