Bakı 21° C
https://static.report.az/photo/441033d0-596f-47b1-a861-657c93f166ed.jpg
Bakı. 13 oktyabr. REPORT.AZ/ Azərbaycanda qızıl, gümüş, mis hasilatı ilə məşğul olan "Anglo-Asian Mining" şirkətinin xalis borcu III rübdə 7,6% azalaraq oktyabrın 1-i vəziyyətinə 37,7 mln. ABŞ dolları təşkil edib.
"Report"un şirkətə istinadən verdiyi xəbərə görə, bu müddətdə şirkətin Azərbaycan Beynəlxalq Bankına (ABB) borcu 24% azalaraq 8,7 mln. dollar təşkil edib. "Anglo-Asian Mining" şirkətinin "YapıKredi Bank"a borcu III rübdə 0,5 mln. dollar azalaraq oktyabrın 1-nə 0,9 mln. dollara enib.
Şirkətin "PAŞA Bank" ASC-yə borcu isə 0,9 mln. dollar artaraq 3,3 mln. dollardan 4,2 mln. dollara yüksəlib.
Bu ilin oktyabrın 1-nə şirkətin borcunun strukturu aşağıdakı kimi olub:
| Kreditorlar | Borc (mln. dollar) |
| Amsterdam Trade Bank (agitation plant loan) | 19,7 |
| International Bank of Azerbaijan (loan) | 8,2 |
| International Bank of Azerbaijan (letter of credit financing) | 0,5 |
| Atlas Copco (equipment finance loan) | 1,0 |
| YapiKredi Bank | 0,9 |
| PASHA Bank | 4,2 |
| Director | 3,9 |
| Total Loans | 38,4 |
| Cash on hand and at bank | (0,7) |
| Net debt | 37.7 |
Xatırladaq ki, “Gədəbəy” yatağında qızıl və gümüş 1997-ci il avqustun 21-də imzalanmış Hasilatın Pay Bölgüsü (PSA - Production Sharing Agreement) müqaviləsi çərçivəsində hasil olunur. Müqavilədə Azərbaycanın payı 51%, “Anglo-Asian Mining Plc.” şirkətinin payı 49% təşkil edir. “Gədəbəy” yatağında ilk qızıl hasilatına 2009-cu ildə, gümüş hasilatına isə 2010-cu ildə başlanılıb.
