Noyabrda Bakıda qiymətlər 0,4% artıb

Bakı. 26 dekabr. REPORT.AZ/ Bu ilin noyabr ayında Bakıda istehlak məhsullarının və xidmətlərin qiymətləri oktyabr ayına nisbətən 0,4% artıb. 

Bu barədə “Report”a Dövlət Statistika Komitəsinin Bakı şəhər Statistika İdarəsindən məlumat verilib.

Məlumata görə, ötən ay paytaxtda ərzaq məhsulları 0,6%, qeyri-ərzaq məhsulları 0,1%, xidmətlər isə 0,4% bahalaşıb.