Naxçıvanda yeni açılmış bank hesablarının sayı 54% artıb

Bu ilin yanvar-avqust aylarında Naxçıvan MR-da 18 163 bank hesabı açılıb ki, bunun da 17 995-i aktiv hesablardır. 

“Report” bu barədə yerli Dövlət Statistika Komitəsinə istinadən xəbər verir. 

Məlumata görə, son 1 ildə muxtar respublikada açılmış bank hesablarının sayı 6 335 vahid və yaxud 53,6% artıb. 

Sentyabrın 1-nə isə Naxçıvanda bank hesablarının sayı 82 781-ə çatıb ki, bunun da 73 167-si aktiv hesablardır. 

Son 1 ildə muxtar respublikada quraşdırılmış POS-terminalların sayı isə 6 ədəd və yaxud 0,5% artaraq bu il sentyabrın 1-nə 1 276 olub.