“InvestAZ”dan dünya maliyyə bazarları ilə bağlı həftəlik analiz

"InvestAZ İnvestisiya Şirkəti" QSC-nin analitikləri bu həftə üzrə dünya maliyyə bazarlarında son vəziyyət və qısa müddətdə gözlənilənlərlə bağlı məlumat verib.

EUR

Milad və Yeni il bayramları ərəfəsində EURUSD məzənnəsində ticarət aktivliyi azalıb. Təhlillərə əsasən isə 1.13$ ətrafında dalğalan avro gələn il üzrə iqtisadi proqnozların yaxşılaşması ilə 1.14$-ın üzərinə çıxa bilər.

GBP

GBPUSD məzənnəsi də 1.34$ ətrafında korreksiya etməklə yanaşı, 1.36$-a yüksələcəyi proqnozları üstünlük təşkil edir. Bunun üçün gələn həftə dərc ediləcək önəmli fundamental göstəricilər vacib rol oynayacaqdır.

TRY

Müşahidə edilən son güclü eniş dalğası fonunda USDTRY məzənnəsi hazırda 11TL-də ticarət edilir. Sonuncu dəfə 10TL-də dəstək görən məzənnənin yeni ilə keçid dövrünü 12TL ilə aralıqda keçirəcəyi ehtimal edilir.

OIL

Enerji birjalarında neftə olan tələbin yenidən artdığı müşahidə edilir. Bu, Brentin bir barelinin 80$-ın üzərinə kimi dəyər qazanacağını proqnozlaşdırmağa əsas verir.

Çərşənbə günü saat 19:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD

Qlobal bazarlarda dekabrda qızıla olan tələbin artdığı müşahidə edilir. Beləliklə, son yüksəliş dalğası 1830$-a (58.8$/qram) kimi də davam edə bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti”nin

Analitika Departamenti

“İnvest-AZ İnvestisiya Şirkəti”nin fəaliyyətini Azərbaycan Mərkəzi Bankı tənzimləyir. Şirkət, 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərir.

Risk bildirişi

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.