IMF: Azərbaycan bank sektorunda restrukturizasiyanı tezləşdirməlidir

IMF: Azərbaycan bank sektorunda restrukturizasiyanı tezləşdirməlidir M.Qorçinin fikrincə, zəif bankların sağlamlaşdırılması mümkün olmasa, onlar sistemdən kənarlaşdırılmalıdır
Maliyyə
118
3 Mart , 2017 16:06
IMF: Azərbaycan bank sektorunda restrukturizasiyanı tezləşdirməlidir

Bakı. 3 mart. REPORT.AZ/ “Zənnimcə, indi bank sahəsində restrukturizasiya baş verməlidir və bu proses bütövlükdə bank sektorunu əhatə etməlidir”. Bunu “Report”a müsahibəsində Beynəlxalq Valyuta Fondunun (IMF) Azərbaycan üzrə missiyasının rəhbəri Məhəmməd əl-Qorçi deyib.

M.Qorçi qeyd edib ki, təmsil etdiyi qurum yalnız dövlət qurumlarına tövsiyələr verir: “Biz dövlət strukturları ilə bir sıra məsələləri müzakirə etmişik. Bu, xüsusi əhəmiyyət kəsb edən məsələlərdir. Sözsüz ki, bu siyahıda banklar da var. Çünki bankların hazırkı vəziyyəti ölkə iqtisadiyyatına ciddi təsir edir. Amma tövsiyələrimiz heç də bank cəmiyyəti üçün nəzərdə tutulmur. Hər zaman hökumətə tövsiyə veririk. Keçmişdə etdiyimiz tövsiyələr əsasında Maliyyə Bazarlarına Nəzarət Palatası (MBNP) yaradılıb. Zənnimcə, indi bank sahəsində restrukturizasiya aparılmalıdır və bu, bütövlükdə bank sektorunu əhatə etməlidir. Burada söhbət “Azərbaycan Beynəlxalq Bankı” (ABB) ASC kimi nəhəng banklardan getmir, biz həmçinin kiçik bankları da nəzərdə tuturuq. Artıq Azərbaycanda bu sahədə müəyyən addımlar atılıb. Bildiyiniz kimi, bu vaxta qədər 11 bank bağlanıb. Digər banklar isə restrukturizasiya mərhələsindədir. Lakin bununla belə bank sahəsində müvafiq çağırışlar qalmaqdadır”.

IMF rəsmisinin sözlərinə görə, qeyri-sağlam banklar əhalinin banklara etibarını sarsıdır: “Ancaq hökumətdə belə bir razılıq var ki, bank sektorunda olan problemləri mümkün qədər tez həll etmək lazımdır. Çünki zəif bankların mövcud olması, bank sektorunda indiki problemlərin yaşanması bütövlükdə iqtisadiyyata zərər verir. Ona görə də restrukturizasiya nə qədər tez baş aparılarsa, bir o qədər yaxşı olar. Bir daha demək istəyirəm ki, zəif banklar həm milli valyutanın məzənnəsinə, həm bank sektoruna, həm də bütövlükdə iqtisadiyyata mənfi təsir göstərir. Bu mənfi təsirin fəsadlarından biri də əhalidə həm iqtisadiyyata, həm də bank sektoruna olan etibarın sarsılmasıdır. Məhz buna görə prosesi tezləşdirmək lazımdır ki, problemləri sona çatdıraq. Əlbəttə ki, restrukturizasiya prosesi ciddi şəkildə aparılmalıdır ki, zəif bankların sağlamlaşdırılması mümkün olsun, ya da onların sistemdən kənarlaşdırılması zərurəti yaransın”.

"MBNP ilə görüşümüzdə bəzi məsələləri müzakirə etdik. Bu məsələlər sırasında bilavasitə bank sektorunda baş verən hadisələr, hazırda hökumətin həyata keçirdiyi və ilin sonunda başa çatdırmaq istədiyi bankların restrukturizasiyası məsələsi də bar. Bununla yanaşı, inflyasiya, fiskal siyasət, iqtisadi artım və ölkənin borc öhdəliklərini yerinə yetirməsi kimi bir sıra aktual məsələləri də müzakirə etmişik", - deyə fondun Azərbaycan üzrə missiyasının rəhbəri deyib.

Son xəbərlər

Orphus sistemi