​İcbari Sığorta Bürosunun Himayəçilər Şurasına yeni sədr seçilib

Bakı. 20 dekabr. REPORT.AZ/ "Standard Insurance" sığorta şirkəti İdarə Heyətinin sədri Aydın Rəhmanov İcbari Sığorta Bürosu Himayəçilər Şurasının sədri seçilib.

“Report”un verdiyi xəbərə görə, bununla bağlı qərar İSB-nin Himayəçilər Şurasının iclasında qəbul olunub.

Qeyd edək ki, A.Rəhmanov bundan əvvəl İSB-nin Himayəçilər Şurasının sədri olan və öz ərizəsi əsasında səlahiyyətlərinə vaxtından əvvəl xitam verilmiş Kamal İbrahimovun yerinə seçilib. K.İbrahimov 2006-2008-ci illərdə Azərbaycan Sığortaçılar Assosiasiyası Müşahidə Şurasının sədri olub, 2011-ci ildən etibarən İSB-nin Himayəçilər Şurasının sədri vəzifəsində çalışıb. Hazırda "Standard Insurance" ASC-nin Direktorlar Şurası və "Bank Standard" QSC-nin Müşahidə Şurasının sədridir.