Hesablama Palatası Təhsil Nazirliyində və Azərbaycan Əmanətlərin Sığortalanması Fondunda audit aparır

Hesablama Palatası Təhsil Nazirliyində və Azərbaycan Əmanətlərin Sığortalanması Fondunda audit aparır Palata “Azerenerji”nin və “BakuBus"ın maliyyə-təsərrüfat fəaliyyətini yoxlayıb
Maliyyə
140
24 Oktyabr , 2017 10:48
Hesablama Palatası Təhsil Nazirliyində və Azərbaycan Əmanətlərin Sığortalanması Fondunda audit aparır
Hesablama Palatası / Report

Bakı. 24 oktyabr. REPORT.AZ/ Hesablama Palatası Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun, Kənd Təsərrüfatı Nazirliyi yanında Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin fəaliyyətinə, eləcə də “Azerenerji” ASC-nin və “BakuBus" MMC-nin maliyyə-təsərrüfat fəaliyyətinə dair tədbirləri yekunlaşdırıb.

Bu barədə “Report”un sorğusuna cavab olaraq Palatadan bildirilib.

Məlumatda deyilir ki, adı çəkilən qurumlarda aparılmış yoxlama tədbirlərinin nəticələri tezliklə Hesablama Palatasının Kollegiyasının müzakirəsinə çıxarılacaq.

“Hal-hazırda isə Təhsil Nazirliyində, Azərbaycan Əmanətlərin Sığoralanması Fondunda auditlər, dövlət büdcəsindən maliyyələşən qurumlarda yaranan debitor borclar, 2015-2016-cı illərdə sosial müavinət, kompensasiya və təqaüdlərin təyinatı və ödənişi ilə bağlı analitik təhlillər və s. nəzarət tədbirləri davam etməkdədir”, - deyə məlumatda qeyd edilib. 

Son xəbərlər

Orphus sistemi