Gürcüstanda dolların məzənnəsi psixoloji həddi keçib

Gürcüstanda ABŞ dollarının milli valyuta olan lariyə münasibətdə bahalaşması psixoloji həddi keçib.

“Report”un yerli bürosu xəbər verir ki, Gürcüstan Mərkəzi Bankının müəyyən etdiyi məzənnəyə əsasən, mayın 31-də 1 ABŞ dolları 2,8023 lari təşkil edəcək.

Bugünkü məzənnə ilə müqayisədə dolların qiymətində 0,0026 lari artım qeydə alınıb.

Yerli ekspertlərin proqnozuna əsasən, dolların bahalaşması ölkədə ilkin tələbat məhsullarının qiymətinin artmasına səbəb olacaq.