Gürcüstan iqtisadiyyatı 5 %-dən çox kiçilib

Bu ilin oktyabr ayında Gürcüstanda istehsal olunmuş ümumi daxili məhsulun (ÜDM) dəyəri ötən ilin eyni dövrünə nisbətən 3,9% az olub.

“Report”un yerli bürosu xəbər verir ki, bu barədə Gürcüstanın Milli Statistika İdarəsindən bildirilib.

Məlumata görə, ötən ay qonşu ölkədə maliyyə sektoru istisna olmaqla bütün sahələrdə geriləmə qeydə alınıb.

Yanvar-oktyabr aylarında isə Gürcüstan iqtisadiyyatı illik müqayisədə 5,1% kiçilib.