Gələn il Azərbaycanın dövlət büdcəsi 29 milyard manata yaxın olacaq

Gələn il Azərbaycanın dövlət büdcəsi 29 milyard manata yaxın olacaq 2021-ci ildə Azərbaycanın dövlət büdcəsinin gəlirləri 25 427 milyon manat, xərcləri isə 28,543 milyon manat məbləğində proqnozlaşdırılır.
Maliyyə
486
21 Dekabr , 2020 12:12
Gələn il Azərbaycanın dövlət büdcəsi 29 milyard manata yaxın olacaq

2021-ci ildə Azərbaycanın dövlət büdcəsinin gəlirləri 25,427 milyard manat məbləğində proqnozlaşdırılır.

“Report” bu barədə Maliyyə Nazirliyinə istinadən xəbər verir.

Sənədlərə əsasən, bu, 2020-ci ilin proqnozu ilə müqayisədə 5,4% çoxdur.

Gəlirlərin 54,2%-i və yaxud 13,776 milyard manatı neft sektorunun, 45,8%-i və yaxud 11,651 milyard manatı isə qeyri-neft sektorunun payına düşməlidir.

Gələn il büdcə xərcləri isə 28,543 milyard manat məbləğində nəzərdə tutulub. Bu isə bu ilin proqnozuna nisbətən 3,8% çoxdur.

Xərclərin 18,014 milyard manatı və yaxud 63,1%-ni cari xərclər, 8,33 milyard manatını və yaxud 29,2%-ni əsaslı xərclər, 2,199 milyard manatını və yaxud 7,7%-ni isə dövlət borcuna və öhdəliklərinə xidmətlə bağlı xərclər təşkil etməlidir.

Beləliklə, büdcə kəsri 3,116 milyard manat məbləğində gözlənilir. Kəsirin maliyyələşdirilməsi xarici və daxili borclanma, o cümlədən qiymətli kağızların buraxılışı, habelə özəlləşdirmədən daxilolmalar hesabına aparılacaq.

Son xəbərlər

Orphus sistemi