Gələn il Azərbaycanda əhalinin siyahıya alınmasına 23,2 mln. manat ayrılacaq

Bakı. 24 oktyabr. REPORT.AZ/ Gələn il Azərbaycanda əhalinin siyahıya alınmasına ayrılacaq vəsait məlum olub.

“Report” xəbər verir ki, 2019-cu ilin dövlət büdcə zərfində qeyd olunub ki, gələn il Azərbaycanda əhalinin siyahıya alınmasının keçirilməsinə 23,2 mln. manat vəsait nəzərdə tutulub.

Qeyd edək ki, 2019-cu ildə Azərbaycanda əhalinin siyahıya alınmasına başlanacaq. Azərbaycanda əhalinin siyahıya alınması hər 10 ildən bir keçirilir. 2018-ci il sentyabr ayının 1-i vəziyyətinə Azərbaycanda əhalinin sayı 9 950 512 nəfərə çatıb.