Gələn ay Bakıda beynəlxalq sığorta forumu keçiriləcək

İyunun 28-də Bakıda IX Azərbaycan Beynəlxalq Sığorta Forumu (“AIIF-2019”) keçiriləcək.

“Report” bu barədə “Azərbaycan Sığortaçılar Assosiasiyası” (ASA) İctimai Birliyinə istinadən xəbər verir.

Məlumata görə, tədbir qurumun təşkilatçılığı, Maliyyə Bazarlarına Nəzarət Palatasının və İcbari Sığorta Bürosunun dəstəyi ilə baş tutacaq.

Foruma yerli və xarici sığorta şirkətlərindən, beynəlxalq maliyyə institutlarından təxminən 150 nəfərin qatılacağı gözlənilir.