Fondun icraçı direktoru: “Hansı banka baxırsan, əmlakı girovdadır”

Bakı. 28 aprel. REPORT.AZ/ Azərbaycan Əmanətlərin Sığortalanması Fondunun (ADIF) üzərində 700 mln. manat borc var.

“Report”un məlumatına görə, bunu Fondun icraçı direktoru Azad Cavadov ləğvetmə prosesində olan “Bank Standard” QSC-nin Kreditorlar Komitəsinin bu gün keçirilmiş ilk iclasında deyib.

Onun sözlərinə görə, həmin vəsaiti bağlanmış banklardan almaq çox çətindir: “Hansı banka baxırsan, əmlakı girovluqdadır. Elə bank var ki, kredit portfelinin 80-90%-i problemlidir. Fond “Bank Standard”ın kreditorları qədər pulunu geri almaqda maraqlıdır”.