“Fitch” Türkiyənin kredit reytinqini təsdiqləyib

Bakı. 15 dekabr. REPORT.AZ/ “Fitch” beynəlxalq reytinq agentliyi Türkiyənin kredit reytinqini yenidən “BB” səviyyəsində təsdiqləyib.

“Report” bu barədə türk mətbuatına istinadən xəbər verir.

Reytinq üzrə proqnoz isə “Mənfi”dir.

Xatırladaq ki, bu, “Fitch”in 2018-ci ildə Türkiyənin kredit reytinqi ilə bağlı 3-cü qərarıdır. Bu il yanvarın 19-da Agentlik Türkiyəyə “BB+” reytinqi versə də, iyulun 13-də qərarını dəyişərək qonşu ölkənin reytinqini “BB”-yə endirmişdi.