“Finex Kredit” BOKT ötən ili mənfəətlə başa vurub

“Finex Kredit” BOKT ötən ili mənfəətlə başa vurub “Finex Kredit” ASC bank olmayan kredit təşkilatı (BOKT) 2020-ci ili 197 min manat xalis mənfəətlə başa vurub.
Maliyyə
4 İyun , 2021 09:36
“Finex Kredit” BOKT ötən ili mənfəətlə başa vurub

“Finex Kredit” ASC bank olmayan kredit təşkilatı (BOKT) 2020-ci ili 197 min manat xalis mənfəətlə başa vurub.

“Report” BOKT-un maliyyə hesabatına istinadən xəbər verir ki, bu, 2019-cu illə müqayisədə 27,3% azdır.

Ötən il “Finex Kredit”in vergiyəqədərki mənfəəti 246 min manat (əvvəlki ilə nisbətən 27,2% az), mənfəət vergisi ödəmələri isə 49 min manat (27,9% az) təşkil edib.

Bu il yanvarın 1-nə “Finex Kredit”in aktivləri 8,614 milyon manat olub ki, bu da illik müqayisədə 9% azdır. Bunun 6,315 milyon manatı müştərilərə verilmiş xalis kreditdir. 2020-ci ildə BOKT-un kredit portfeli 18,9% kiçilib.

Hesabat dövründə “Finex Kredit”in öhdəlikləri 14,4% azalaraq 6,951 milyon manata düşüb, balans kapitalı isə 23,9% artaraq 1,662 milyon manata çatıb.

Xatırladaq ki, “Finex Kredit” 2013-cü ildə yaradılıb. Onun nizamnamə kapitalı 1 milyon manatdır. BOKT-un səhmlərinin 31%-i Mobil Şərifova, 26%-i Şəlalə Tağıyevaya, 24%-i Sevda İbrahimovaya, 18%-i Ramina Allahverdiyevaya, 1%-i isə Tahir Namazova məxsusdur.

Son xəbərlər

Orphus sistemi