Fərdi zirehli geyimlərin və minaaxtaran itlərin idxalı vergidən azad ediləcək

Fərdi zirehli geyimlərin və minaaxtaran itlərin idxalı vergidən azad ediləcək Milli Məclisin bu gün keçirilən plenar iclasında Vergi Məcəlləsinə və "Gömrük tarifi haqqında" qanuna dəyişiklik layihəsi birinci oxunuşda müzakirəyə çıxarılıb.
Maliyyə
14 Dekabr , 2021 15:17
Fərdi zirehli geyimlərin və minaaxtaran itlərin idxalı vergidən azad ediləcək

Milli Məclisin bu gün keçirilən plenar iclasında Vergi Məcəlləsinə və "Gömrük tarifi haqqında" qanuna dəyişiklik layihəsi birinci oxunuşda müzakirəyə çıxarılıb.

"Report"un xəbərinə görə, Azərbaycana fərdi qoruyucu zirehli geyimlərin, alətlərin, minaaxtaran itlərin, partlayıcı və pirotexniki vasitələrin idxalı 5 il müddətinə gömrük rüsumu və vergidən azad edilir.

Beləliklə, Məcəlləyə və qanuna əlavə olunan yeni maddəyə əsasən, müvafiq icra hakimiyyəti orqanının müəyyən etdiyi orqanın (qurumun) təsdiqedici sənədi əsasında Azərbaycan Respublikasının işğaldan azad edilmiş ərazilərinin, habelə müharibə və hərbi əməliyyatların təsirinə məruz qalmış digər ərazilərin minalardan və partlamamış hərbi sursatdan, tərkibində partlayıcı olan qurğulardan və digər partlayıcı qalıqlardan təmizlənməsi çərçivəsində bütün növ texnikanın, avadanlıqların, texniki vasitələrin və qurğuların, onların ehtiyat hissələrinin, fərdi zirehli qoruyucu geyimlərin, alətlərin, minaaxtaran itlərin, partlayıcı və pirotexniki vasitələrin idxalı 15 oktyabr 2021-ci ildən 15 oktyabr 2026-cı ilə qədər gömrük rüsumu və vergidən azad edilir.

Dəyişiklik layihələri müzakirələrdən sonra səsverməyə çıxarılaraq I oxunuşda qəbul edilib.

Son xəbərlər

Orphus sistemi