FED-in vitse-prezidenti Stenli Fişer vəzifəsindən istefa verib

Bakı. 6 sentyabr. REPORT.AZ/ ABŞ Federal Ehtiyatlar Departamentinin (FED) vitse-prezidenti Stenli Fişer vəzifəsindən istefa verib.

"Report" Türkiyə KİV-inə istinadən xəbər verir ki, o, ABŞ prezidenti Donald Trampa yazdığı məktubunda bunu şəxsi işləri ilə əlaqələndirib.

S.Fişer cari il oktyabrın 13-dən etibarən vəzifəsini tərk edəcəyini bildirib.

Qeyd edək ki, 73 yaşlı maliyyəçi 2014-cü ildən FED-də işə başlayıb və səlahiyyət müddəti gələn il iyun ayında başa çatacaqdı.