“Expressbank” konvertasiya haqqını bir qədər də azaldıb

Bakı. 3 iyul. REPORT.AZ/ “Expressbank” ASC müştərilərinə müraciət edib.

“Report”un məlumatına görə, müraciətdə bildirilir ki, iyulun 4-dən etibarən bankın bütün kartları üzrə konvertasiya əməliyyatları 1% komissiya ilə yerinə yetiriləcək.

İndiyə qədər bu göstərici 2,5% olub. Başqa sözlə, kredit təşkilatı konvertasiya haqqını azaldıb. 

Bu, son 3 ayda 2-ci oxşar haldır. Belə ki, martın sonuna qədər "Expressbank"da konvertasiya haqqı 4% təşkil edib. 

Xatırladaq ki, "Expressbank" 1989-cu ildə "Azərnəqliyyatbank" adı ilə fəaliyyətə başlayıb, 2010-cu ildə rebrendinq edib. Onun nizamnamə kapitalı 137 256 651 manatdır. Bu məbləğ hər birinin nominal dəyəri 368,69 manat olan 372 282 ədəd səhm əsasında formalaşıb. Səhmlərin 40%-i "Azenco Group" MMC-yə, 25%-i Hikmət Xammədova, 17,69%-i "Enerqoservis" MMC-yə, 17%-i Hafiz Seyidova, 0,31%-i isə "Avtonəqliyyatservis" MMC-yə məxsusdur.