Enerji Məsələlərini Tənzimləmə Agentliyi sığortaçı seçir

Energetika Nazirliyi yanında Enerji Məsələlərini Tənzimləmə Agentliyi balansındakı daşınmaz əmlakın icbari sığortası və onun istismarı ilə bağlı mülki məsuliyyətin icbari sığortası üçün kotirovka sorğusu elan edib.

“Report” xəbər verir ki, sorğuda iştirak haqqı 100 manatdır.

İddiaçılar təkliflərini fevralın 11-i, saat 18:00-a qədər dövlət satınalmalarının vahid internet portalı vasitəsi ilə təqdim edə bilərlər.

Sorğunun nəticəsi fevralın 14-də, saat 11:00-da portalda açıqlanacaq.