EBRD-nin yaşıl maliyyələşdirməsi rekord səviyyəyə çatıb

EBRD-nin yaşıl maliyyələşdirməsi rekord səviyyəyə çatıb Avropa Yenidənqurma və İnkişaf Bankının (EBRD) yaşıl maliyyələşdirməsi, ötən il 5,4 milyard avro ilə rekord səviyyəyə çatıb.
Maliyyə
101
13 Yanvar , 2022 15:35
EBRD-nin yaşıl maliyyələşdirməsi rekord səviyyəyə çatıb

Avropa Yenidənqurma və İnkişaf Bankının (EBRD) yaşıl maliyyələşdirməsi ötən il 5,4 milyard avro ilə rekord səviyyəyə çatıb.

“Report” xəbər verir ki, bu, EBRD-nin ümumi investisiyalarının (10,4 milyard avro) 51,9 %-ni təşkil edib.

“Bu əla nəticələr Bankın pandemiyadan sonra müştərilərini dəstəkləməyə davam etməkdə güclü bağlılığı ilə yanaşı, özəl sektorun cəlb edilməsinə və iqlim dəyişikliyi ilə mübarizə aparmaq üçün islahatların dəstəklənməsinə diqqət yetirməklə iqtisadiyyatları karbonsuzlaşdırmağa və daha davamlı gələcəyə keçidi təmin etmək öhdəliyini vurğulayır”, - deyə EBRD prezidenti Odil Renaud-Basso bildirib.

İqlim maliyyələşdirməsinin aparıcı investoru olan EBRD dünyanın ən çox ənənəvi yanacaqdan asılı olan bəzi ölkələrində işləyir və onların aşağı karbonlu iqtisadiyyata keçidini planlaşdırmaq və həyata keçirməkdə onlara dəstək olmaq məqsədi daşıyır.

Onun bir çox uğurları arasında 53 şəhəri əhatə edəcək böyüyən və ekoloji problemləri davamlı infrastruktur investisiyaları və siyasət tədbirləri ilə müəyyənləşdirməyə, prioritetləşdirməyə yardım edən 5 milyard avro dəyərində ətraf mühit proqramı olan beşillik "EBRD Yaşıl Şəhər" proqramı var.

Ötən ilin noyabr ayında EBRD proqramın həcmini 2 dəfə artırdığını və növbəti 2 il ərzində yaşıl şəhər infrastrukturuna əlavə 2 milyard avro ayırdığını elan edib. Layihələrin sayı isə 2020-ci illə müqayisədə 2 ədəd artaraq 411-dən 413-ə yüksəlib.

İllik Mobil İnvestisiya- Bankın birbaşa iştirakı ilə digər qurumların müştərilərinə təqdim edilən məbləğ 2020-ci ildəki 1,2 milyard avrodan kəskin şəkildə artaraq 1,8 milyard avroya yüksəlib. İl ərzində ödənişlər 7,3 milyard avro təşkil edib.

Ötən il EBRD əməliyyatlarını dəstəkləmək üçün təxminən 1,2 milyard avro donor vəsaiti toplayıb və Bankın ən böyük çoxtərəfli donoru olan Avropa İttifaqı (Aİ) üçün mühüm icraçı tərəfdaşdır.

Avropa İttifaqı büdcəsi və "NextGenerationEU" maliyyələşdirmə proqramları çərçivəsində, ötən il Aİ 291 milyon avro və Aİ-nin pandemiya ilə əlaqəli Bərpa Dözümlülük Fondu vasitəsilə Yunanıstan tərəfindən 500 milyon avro güzəştli maliyyə təmin edib.

EBRD-nin yaşıl maliyyələşdirmədən başqa 2 strateji prioriteti olan inklüzivlik və rəqəmsallıq da Bankın 2021-ci ildəki uğuruna böyük töhfə verib.

Güclü gender komponentinə sahib layihələr il ərzində imzalanmış layihələrin 35 %-ni təşkil edib ki, bu da 18 %-lik hədəf səviyyəsindən təxminən iki dəfə çoxdur.

Noyabr ayında yayımlanan gender və imkan bərabərliyinin təşviqi üçün iki yeni strategiyası ilə EBRD gender bərabərliyi komponentlərini 2025-ci ilin sonuna qədər əməliyyatlarının ən azı 40 %-nə çatdırmağı hədəfləyir və illik investisiyalarının dörddə biri inklüziv layihələrin maliyyələşdirilməsinə yönəldiləcək.

Son xəbərlər

Orphus sistemi