Dünyanın ən böyük pensiya fondunun gəlirləri ən yüksək həddə çatıb

Ötən il (mart 2020- mart 2021-ci illər) dünyanın ən böyük pensiya fondu - Yaponiya Hökuməti Pensiya Fondunun gəlirləri 25 % artaraq 339 milyard ABŞ dollarına çatıb.

“Report” xəbə verir ki, bu, fondun yarandığı 2001-ci ildən bəri ən yüksək illik göstəricidir.

Hesabat dövründə fondun aktivləri arasında ən yaxşı göstərici 59,4 %-lə xarici səhmlərdə yaşanıb. Onu 41,6 %-lə daxili səhmlər izləyib. Fond xarici istiqrazlardan 7,1 % gəlir əldə etdiyi halda, Yaponiya istiqrazlarından 0,7% itirib.

Bu il aprelin 1-nə Pensiya Fondunun aktivləri 1,6 trilyon ABŞ dollarına çatıb.