Dünyanın ən bahalı evi satışa çıxarılıb

Dünyanın ən bahalı evi satışa çıxarılıb 418 mln. dollar qiyməti olan bu malikanə Avropanın ən gözəl bağına malikdir
Maliyyə
1139
13 Oktyabr , 2017 15:50
Dünyanın ən bahalı evi satışa çıxarılıb

Bakı. 13 oktyabr. REPORT.AZ/ Fransada 418 mln. ABŞ dollarına 187 il əvvəl tikilmiş ev satışa çıxarılıb. 

"Report"un "The Daily Mail" qəzetinə istinadən verdiyi xəbərə görə, "Les Cedres" malikanəsi Belçika kralı II Leopolda məxsus olub və daha sonra zeytun ferması kimi istifadə edilib.

Malikanədəki 14 yataq otağı bahalı mebel və XIX əsrin rəsm əsərləri ilə bəzədilib. Həmçinin burada hovuz, banket zalı və 30 atın saxlanılması üçün nəzərdə tutulan tövlə var.

Bundan başqa, malikanədə 15 000 bitkisi olan Avropanın ən gözəl bağlarından biri yer alıb. Qonşuluqda isə britaniyalı bəstəkar Endryu Lloyd Uebber (Andrew Lloyd Webber) və "Microsoft"un qurucularından Pol Allen (Paul Allen) yaşayır.

Son xəbərlər

Orphus sistemi