Dünyada iqtisadi artımın zəifləməsi, habelə qabaqcıl rəqəmli texnologiyalarının daha geniş tətbiqi ilə bağlı banklar kütləvi ixtisar planlarını açıqlayır.
“Report” “İnterfax”a istinadən xəbər verir ki, cari ildə 50-dən artıq bank bütövlükdə 77 780 iş yerini ixtisar edəcəklərini bildirib.
Bu da 91 450-dək bank işçisinin ixtisara düşdüyü 2015-ci ildən etibarən ən böyük göstəricidir. İxtisarların 82%-i mənfi faiz dərəcələri ilə üz-üzə qalan Avropa banklarının payına düşür.
Beləliklə, son 6 il ərzində dünyanın bank sektorunda 425 mindən artıq iş yeri ixtisar edilib.