Dövlət Gömrük Komitəsinin üzərinə yeni öhdəlik qoyulub

Bundan sonra Dövlət Gömrük Komitəsi ölkə ərazisinə gətirilən valyuta sərvətlərinin məbləği 50 min ABŞ dolları ekvivalentindən artıq olduqda bu barədə məlumat və sənədləri Maliyyə Monitorinqi Xidmətinə təqdim edəcək.

"Report" xəbər verir ki, bu, Nazirlər Kabinetinin təsdiqlədiyi “Valyuta sərvətləri və milli valyutanın transsərhəd daşınması zamanı Maliyyə Monitorinqi Xidmətinə təqdim edilən məlumat və sənədlərin tərtib olunma forması”nda öz əksini tapıb.

Bu addım "Valyuta tənzimi haqqında” qanuna uyğun olaraq atılacaq.