Bu ilin 10 ayında Azərbaycanın dövlət büdcəsi 427 mln. manatlıq profisitlə icra olunub

Bakı. 17 noyabr. REPORT.AZ/ Bu ilin yanvar-oktyabr ayları üzrə Azərbaycanın dövlət büdcəsinin gəlir və xərcləri açıqlanıb. 

 “Report” Dövlət Statistika Komitəsinə istinadən xəbər verir ki, Maliyyə Nazirliyinin təqdim etdiyi operativ məlumatlara əsasən, 2018-ci ilin yanvar-oktyabr aylarında dövlət büdcəsinin gəlirləri 18 mlrd. 196,9 milyon manat, xərcləri 17 mlrd. 769,9 milyon manat təşkil edib.

Hesabat dövründə büdcənin icrasında 427 milyon manatlıq və ya ümumi daxili məhsulun 0,7%-i qədər profisit yaranıb.