Böyük Britaniyanın “Barclays” investisiya bankı xərcləri azaltmaq üçün şəxsi və investisiya bankçılığı bölmələrindən 100-ə yaxın vəzifəli şəxsi ixtisar edəcək.
“Report” bu barədə xarici mətbuata istinadən xəbər verir.
Məlumata görə, bank, əsasən, London və Asiyadakı maliyyə mərkəzlərində inzibati direktor və direktor vəzifələrini azaltmağa başlayacaq.
Xatırladaq ki, 2018-ci ilin yekununda maliyyə qurumunun 83 min işçisi olub. 2019-cu ilin 2-ci rübündə bu rəqəm 80 minə endirilmişdi.