"Bank VTB Azerbaijan" rəqəmsal bank yaradacaq

“VTB Azerbaijan” bankı 2022-ci ilədək rəqəmsal bank və yeni pərakəndə satış modelini yaratmağı nəzərdə tutur.

“Report” xəbər verir ki, bu barədə məlumat verən bankın İdarə Heyətinin sədri Yevgeniy Kirin sağlam kreditləşməni 6 dəfə artırmağı düşündüklərini qeyd edib.

“Bizim üçillik strategiyamızda biznes modelini daha da tarazlaşdırılmış hala gətirmək məqsədi var”, - o deyib.

Bank rəhbəri rəqəmsal bankın “Facebook” və “WhatsApp” mesencerləri üzərində yaradılacağını diqqətə çatdırıb: “Rəqəmli kanallarda məhsul və xidmətlərə 100% çıxışın təmin olunması nəticəsində orta və kiçik sahibkarlığa aid müştərilərin payı 30%-dən 80%-ə qədər artacaq”.