Bank rəsmisi: "İstehlak kreditləri ilə bağlı müzakirələr bu növ kreditlərin həcminin azalmasına səbəb ola bilər"

"Gələn həftə Milli Məclisdə istehlak kreditləri ilə bağlı məsələnin müzakirə olunması gözlənilir”. 

“Report” xəbər verir ki, bunu "Fich" Beynəlxalq Reytinq Agentliyinin Bakıda keçirilən illik konfransında "Ekspress Bank" ASC-nin İdarə Heyətinin sədr müavini Orxan Vahabov deyib.

O.Vahabovun sözlərinə görə, bu müzakirələr istehlak kreditlərinin həcminin azalmasına səbəb ola bilər:

“Düşünürəm ki, bu müzakirələr istehlak kreditlərinin həcminin azalmasına səbəb olacaq".

Qeyd edək ki, ötən il Azərbaycanda istehlak kreditlərinin həcmi 5 319 600 min manat olub ki, bu da ümumi kredit portfelində çəkisi 40,9% təşkil edir.