“Azərpoçt” Qarabağda maliyyə xidmətləri göstərmək istəyir

"Azərbaycanın işğaldan azad edilmiş ərazilərdə yeni poçt şöbələri qurulacaq və artıq onların yerləri müəyyən edilib".

“Report” xəbər verir ki, bunu jurnalistlərə açıqlamasında Nəqliyyat, Rabitə və Yüksək Texnologiyalar Nazirliyinə məxsus “Azərpoçt” MMC-nin baş direktorunun müavini Xəyyam Əlizadə deyib.

Onun sözlərinə görə, təmsil etdiyi qurum həmin filiallarda maliyyə xidmətləri də göstərmək istəyir.