Azərbaycanın xarici ticarətində 6,7 mlrd. dollarlıq müsbət saldo yaranıb

Bakı. 15 noyabr. REPORT.AZ/ Bu ilin yanvar-oktyabr ayları ərzində Azərbaycan digər ölkələrlə 25 223,871 mln. ABŞ dolları dəyərində ticarət əməliyyatı aparıb. 

"Report” Dövlət Gömrük Komitəsinə istinadən xəbər verir ki, bu, ötən ilin eyni dövrünə nisbətən 9 211,288 mln. dollar və yaxud 57,5% çoxdur.

10 ay ərzində idxal əməliyyatlarının 9 252,56 mln. dollar olub (illik müqayisədə 2 294,179 mln. dollar və ya 32,97% çox), ixrac əməliyyatlarının dəyəri isə 15 971,311 mln. dollar (6 917,109 mln. dollar və yaxud 76,4% çox) olub. Nəticədə xarici ticarətdə 6 718,751 mln. dollar məbləğində müsbət saldo yaranıb.