Azərbaycanda fəaliyyət göstərən banklar audit yoxlamasını əsasən "Baker Tilly" şirkətinə etibar edir.
Bu, "Report"un apardığı araşdırma nəticəsində məlum olub.
Belə ki, sözügedən şirkət 26 bankdan 8-nin 2019-cu ildəki maliyyə-təsərrüfat fəaliyyətini audit edib. Bu, 2018-ci illə müqayisədə 2 vahid çoxdur.
Müştərisi olan bankların sayına görə 2-ci yerdə "Ernst & Young" şirkəti qərarlaşıb. Bu şirkət ötən il üzrə 5 banka audit rəyi verib. Bu isə əvvəlki il üzrə göstəricidən 1 vahid azdır.
KPMG isə 2019-cu il üzrə 4 bankla əməkdaşlıq edib. Bu isə 2018-ci ilə nisbətən 2 vahid azdır.
Əvəzində "Grant Thornton" və "PwC" şirkətləri xidmət göstərdiyi bankların sayını müvafiq olaraq 2 vahid və 1 vahid artıraraq 3-ə çatdırıb.
RSM və "Crowe" şirkətlərinin audit etdiyi bankların sayı isə dəyişməyərək 1 qalıb.
"Best Audit" şirkətinin əməkdaşlıq etdiyi bankların sayı 2-dən 1-ə düşüb. 2018-ci il üzrə 1 banka xidmət göstərmiş NEXİA EA şirkəti isə 2019-cu il üzrə audit etməyə bank tapa bilməyib.
Maraqlıdır ki, bankların tərəfdaş kimi seçdiyi audit şirkətlərinin arasında Böyük 4-lüyə daxil olan "Deloitte and Touche" şirkəti yoxdur. 4-lüyə aid qalan 3 audit şirkəti ("Ernst & Young", KPMG və "PwC") isə 2018-ci ildə 14 bankdan iş aldığı halda 2019-cu ildə bu rəqəm 12-yə düşüb.
Ümumiyyətlə isə, 26 bankdan 6-sı audit şirkətini dəyişib.
Banklar | Auditor şirkəti (2019-cu il) | Auditor şirkəti (2018-ci il) | |
1 | Access Bank | PwC | Ernst & Young |
2 | AFB Bank | KPMG | KPMG |
3 | Azərbaycan Beynəlxalq Bankı | Ernst & Young | Ernst & Young |
4 | Azərbaycan Sənaye Bankı | Grant Thornton | RSM |
5 | Azər-Türk Bank | Ernst & Young | Ernst & Young |
6 | Bank Avrasiya | Baker Tilly | Baker Tilly |
7 | Bank BTB | KPMG | KPMG |
8 | Bank of Baku | Baker Tilly | KPMG |
9 | Bank Respublika | KPMG | KPMG |
10 | Bank VTB Azərbaycan | Ernst & Young | Ernst & Young |
11 | Express Bank | PwC | PwC |
12 | Günay Bank | RSM | Nexia EA |
13 | Xalq Bank | Crowe | Crowe |
14 | İran Milli Bankının Bakı filialı | Best Audit | Best Audit |
15 | Kapital Bank | Ernst & Young | Ernst & Young |
16 | Muğan Bank | Baker Tilly | Baker Tilly |
17 | Naxçıvan Bank | Baker Tilly | Baker Tilly |
18 | Pakistan Milli Bankının Bakı filialı | Grant Thornton | Best Audit |
19 | PAŞA Bank | Ernst & Young | Ernst & Young |
20 | Premium Bank | Grant Thornton | Grant Thornton |
21 | Rabitəbank | KPMG | KPMG |
22 | Turan Bank | Baker Tilly | Baker Tilly |
23 | Unibank | Baker Tilly | Baker Tilly |
24 | Yapı Kredi Bank Azərbaycan | PwC | PwC |
25 | Yelo Bank | Baker Tilly | KPMG |
26 | Ziraat Bank Azərbaycan | Baker Tilly | Baker Tilly |