Azərbaycandan Gürcüstana pul köçürmələrinin həcmi azalıb

Ötən ay Azərbaycandan Gürcüstana 1,88 mln. dollar pul köçürülüb.

“Report”un yerli bürosu xəbər verir ki, bu barədə Gürcüstan Milli Bankından bildirilib.

Gürcüstana daxil olan ümumi pul köçürmələrində Azərbaycanın payı 1,29 % təşkil edib.

İllik müqayisədə Azərbaycandan qonşu ölkəyə göndərilən pul köçürmələrinin həcmi 5,03% azalıb.

Avqust ayında Gürcüstana xarici ölkələrdən, ümumilikdə, 146,4 mln. dollar pul daxil olub ki, bu da ötən ilin eyni göstəricisindən 7,8% çoxdur. Gürcüstandan xarici ölkələrə pul köçürmələrinin həcmi isə 0,5% artaraq 19 mln. dollara bərabər olub.