Azərbaycanda vergidən yayınma və əmək müqaviləsi bağlamadan vətəndaşların işə cəlb edilməsi halları aşkar edilib

Azərbaycanda vergidən yayınma və əmək müqaviləsi bağlamadan vətəndaşların işə cəlb edilməsi halları aşkar edilib Bakı. 16 aprel. REPORT.AZ/ Vergilər Nazirliyi tərəfindən Bakı şəhəri ərazisində keçirilmiş vergi nəzarəti tədbirləri zamanı Bon Appetit şirniyyat mağazaları şəbəkəsində qanun pozuntularının olduğu aşkar edilib.
Maliyyə
3496
16 Aprel , 2018 17:18
Azərbaycanda vergidən yayınma və əmək müqaviləsi bağlamadan vətəndaşların işə cəlb edilməsi halları aşkar edilib
Vergilər Nazirliyi / Report

Bakı. 16 aprel. REPORT.AZ/ Vergilər Nazirliyi tərəfindən Bakı şəhəri ərazisində keçirilmiş vergi nəzarəti tədbirləri zamanı "Bon Appetit" şirniyyat mağazaları şəbəkəsində qanun pozuntularının olduğu aşkar edilib. 

Bu barədə “Report”a Nazirliyin Media və Kommunikasiya Mərkəzindən məlumat verilib.

Məlumata görə, keçirilmiş operativ vergi nəzarəti tədbirləri zamanı müəyyən edilib ki, vergi ödəyicisi tərəfindən ikili mühasibatlıq aparılmaqla dövlət büdcəsinə ödənilməli vergilər yayındırılıb. Həmçinin vergi ödəyicisinin Badamdar qəsəbəsində yerləşən sexinə baxış zamanı əmək müqaviləsi olmayan 55 nəfər vətəndaşın işə cəlb edildiyi müəyyən olunub.

Aşkar edilmiş hallarla bağı müvafiq aktlar tərtib edilib, vergi ödəyicisinə məxsus “qara mühasibatlıq” sənədləri götürülüb. İşçilərdən alınmış izahatlardan aydın olub ki, onların heç biri ilə əmək müqaviləsi (kontraktı) bağlanılmayıb. Faktla bağlı müvafiq araşdırma aparılır.

Son xəbərlər

Orphus sistemi