Azərbaycanda valyuta hərracında dollara tələb sabit qaldı

Bu gün Azərbaycan Mərkəzi Bankında (AMB) Azərbaycan Dövlət Neft Fondunun iştirakı ilə növbəti valyuta hərracı keçirilib.

“Report” bu barədə AMB-yə istinadən xəbər verir.

Məlumata görə, ABŞ dollarına tələb iyulun 25-nə nisbətən dəyişməyərək 64,8 milyon ABŞ dollar təşkil edib. Tələb tam ödənilib.

Hərracda manatın ortaçəkili məzənnəsi 1,7000 AZN/USD səviyyəsində formalaşıb.