Azərbaycanda qeyri-bank təşkilatları da Kredit Zəmanət Fonduna çıxış əldə edə bilər

Bakı. 29 yanvar. REPORT.AZ/ Azərbaycan Mikromaliyyə Assosiasiyası (AMFA) Sahibkarlar Konfederasiyasına (ASK) Kredit Zəmanət Fonduna yalnız banklar deyil, bank olmayan kredit təşkilatlarının (BOKT) da çıxış əldə etməsi məsələsinə yenidən baxılması üçün müraciət edib.

“Report” xəbər verir ki, bu barədə AMFA-nın icraçı direktoru Jalə Hacıyeva məlumat verib. 

J.Hacıyeva bildirib ki, BOKT-ların portfelinin 80%-i regionların payına düşür.

“Hazırda əsas məqsəd investorları yenidən təkrar maliyyələşdirmə üçün gətirmək, həm də böhrandan çıxmış bazarlara maraq göstərən yeni investorlar cəlb etməkdir”, - deyə AMFA rəsmisi qeyd edib.