Bakı. 21 dekabr. REPORT.AZ/ Bu ilin noyabr ayında Azərbaycanda vergi orqanlarına 8 792 müraciət daxil olub ki, onların da 91%-i ərizə, 8,9%-i şikayət, 0,1%-i təklifdir.
Bu barədə “Report”a Vergilər Nazirliyindən məlumat verilib.
Məlumata görə, müraciətlərin 38,7%-i müxtəlif arayışların alınması, 33,7%-i kameral vergi yoxlamaları, 9,6%-i vergi borcları, 2,8%-i vergidən yayınma, nağd hesablaşmaların aparılması qaydalarının pozulması, qanunsuz sahibkarlıq fəaliyyəti, qalanları isə digər məsələlərlə bağlı olub. Bütün müraciətlərə vaxtında baxılıb, onların 75,7%-i müsbət həll olunub.
Vergi orqanlarında 496 vətəndaş qəbul edilərək onlara qanunvericilik çərçivəsində lazımi köməklik göstərilib və yaxud müvafiq izahatlar verilib.