Bu ilin yanvar-avqust aylarında Azərbaycanda könüllü sığorta üzrə ümumilikdə 398,83 million manat sığorta haqqı toplanıb.
“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 9 % çoxdur.
Hesabat dövründə könüllü sığorta üzrə ödənişlərin məbləği isə 257,744 milyon manat təşkil edib. Bu isə illik müqayisədə 17,6% çoxdur.
Yanvar-avqust aylarında könüllü sığorta üzrə toplanmış hər 100 manat sığorta haqqının 64,7 manatı ödəniş edilib. Ötən ilin eyni dövründə bu göstərici 59,9 manat olub.