Azərbaycanda dövlət xətti ilə ipoteka kreditləşməsi 75 % artıb

Bu ilin yanvar-iyul aylarında İpoteka və Kredit Zəmanət Fondu (İKZF) 230,5 milyon manat kredit verib.

“Report” Azərbaycan Mərkəzi Bankına istinadən xəbər verir ki, bu, ötən ilin eyni dövrü ilə müqayisədə 74,9% çoxdur.

Hesabat dövründə Fondun yenidən maliyyələşdirdiyi kreditlərin məbləği isə illik müqayisədə təxminən 5,2 dəfə artaraq 182,3 milyon manata, qiymətli kağızlar bazarında istiqraz buraxmaq yolu ilə vəsaitlərin həcmi isə dəyişməyərək 105 milyon manat olub.

Hesabat dövründə İKZF-yə dövlət büdcəsindən ayrılmış vəsait isə 4 dəfə azalaraq 35,6 milyon manat olub.