Azərbaycanda büdcədənkənar fondlar üzrə daxilolmalar proqnozdan az olub

Bu ilin I yarısında Azərbaycanın dövlət büdcəsinin gəlirləri proqnoza qarşı 2,9% və yaxud 338 milyon manat çox icra olunub.

"Report" xəbər verir ki, bunu Prezident İlham Əliyevin sədrliyi ilə Nazirlər Kabinetinin 2020-ci ilin birinci yarısının sosial-iqtisadi inkişafının yekunlarına və qarşıda duran vəzifələrə həsr olunan iclasda Maliyyə naziri Samir Şərifov bildirib.

"O cümlədən İqtisadiyyat Nazirliyi yanında Dövlət Vergi Xidməti üzrə büdcə daxilolmaları proqnozdan 327 milyon manat, Dövlət Gömrük Komitəsi üzrə isə 98 milyon manat çox olub.

Azərbaycan Dövlət Neft Fondundan transfertlər 100% baş tutub. Sair daxilolmalar proqnozu 15 milyon manat üstələyib, büdcədənkənar fondlar üzrə daxilolmalar isə proqnozdan 102 milyon manat az olub", - deyə nazir qeyd edib.