Azərbaycan manatının effektiv məzənnələri azalıb

Bu il iyun ayının 1-nə Azərbaycan manatının xarici valyutalara nisbətən nominal effektiv məzənnəsi 76,8 bənd təşkil edib.

“Report” Azərbaycan Mərkəzi Bankına istinadən xəbər verir ki, bu, aylıq müqayisədə 0,8 bənd az, ilin əvvəlinə nisbətən 1,2 bənd çox, ötən ilin eyni dövrü ilə müqayisədə isə 1,6 bənd azdır.

Mayın sonuna milli valyutanın real effektiv məzənnəsi isə 102,4 bənd təşkil edib. Bu isə aylıq müqayisədə 1,6 bənd az, ilin əvvəlinə nisbətən 2,1 bənd çox, illik müqayisədə isə 3,9 bənd azdır.