Bakı. 5 dekabr. REPORT.AZ/ Maliyyə Bazarlarına Nəzarət Palatası “Azərbaycan İpoteka Fondu" ASC-nin adlı, sənədsiz, faizli ipoteka istiqrazlarının baza emissiya prospektini dövlət qeydiyyatına alıb.
“Report” Fonda istinadən xəbər verir ki, emissiyanın ümumi məbləği 50 mln. manat, bir istiqrazın nominal dəyəri 1 000 manat, istiqrazların illik faiz dərəcəsi isə 3% təşkil edir.
Qiymətli kağızların 15 mln. manatlıq hissəsi dekabrın 8-də Bakı Fond Birjasında hərraca çıxarılacaq. İstiqrazlar kütləvi təklif üsulu ilə, 1 000 manatdan yerləşdiriləcək. Depozitari və sərəncamçı xidmətlərini Milli Depozit Mərkəzi göstərəcək.