Azərbaycan Dövlət Neft Fondu 9 ayda valyuta satışını 3% azaldıb

Bu ilin yanvar-sentyabr aylarında Azərbaycan Dövlət Neft Fondu (ARDNF) 4 512,85 mln. ABŞ dolları məbləğində valyuta satışı həyata keçirib.

“Report” ARDNF-a istinadən xəbər verir ki, bu, ötən ilin eyni dövrü ilə müqayisədə 126,75 mln dollar yaxud 2,7% azdır.

Doqquz aylıq valyuta satışının 618,95 mln. dolları sentyabr ayının payına düşüb.

Bu isə ötən ilin sentyabr ayına nisbətən 1,6 dəfə çoxdur.

Qeyd edək ki, ötən ilin yanvar-sentyabr ayları ərzində 4 639,6 mln. dollar, sentyabr ayında isə 394,8 mln. dollar valyuta satışı həyata keçirilib.