Azərbaycan Beynəlxalq Bankı yeni kredit kampaniyasına başlayıb

Bakı. 21 fevral. REPORT.AZ/ Azərbaycan Beynəlxalq Bankı (ABB) 22 fevral - Avtomobil yol işçilərinin peşə bayramı gününə özəl olaraq yeni kredit kampaniyasına başlayıb.

“Report”un Banka istinadən verdiyi xəbərə görə, martın 2-dək davam edəcək kampaniya çərçivəsində ABB-nin əmək haqqı kartına sahib olan hər bir avtomobil yolları işçisi nağd pul kreditini güzəştli şərtlərlə ala bilər.

Kreditin məbləği 20 min manatadək, müddəti 60 ayadəkdir. İllik faiz dərəcəsində 2% endirim (23%-dən başlayaraq) tətbiq edilir. Kredit 5 000 manata qədər olduqda zamin tələb olunmur, kreditin rəsmiləşdirilməsi komissiyasızdır.

Nağd pul kreditini ABB-nin bütün filiallarından almaq mümkündür. Bunun üçün, sadəcə, şəxsiyyət vəsiqəsi və əmək haqqı kartı ilə Bankın filiallarına yaxınlaşmaq kifayətdir. Hazırda Bankın ölkə üzrə 36 filial və 40 şöbəsi fəaliyyət göstərir.