Azərbaycan bankları gücləndirilmiş iş rejiminə keçir

Azərbaycan bankları gücləndirilmiş iş rejiminə keçir Sabahdan başlayaraq yanvarın 7-nə qədərki bayram günlərində Azərbaycandakı bankların filial və şöbələri, eləcə də “Azərpoçt” MMC-nin satış nöqtələri gücləndirilmiş iş rejimində çalışacaq.
Maliyyə
185
30 Dekabr , 2019 18:18
Azərbaycan bankları gücləndirilmiş iş rejiminə keçir
google.az

Sabahdan başlayaraq yanvarın 7-nə qədərki bayram günlərində Azərbaycandakı bankların filial və şöbələri, eləcə də “Azərpoçt” MMC-nin satış nöqtələri gücləndirilmiş iş rejimində çalışacaq.

"Report" bu barədə Azərbaycan Mərkəzi Bankına (AMB) istinadən xəbər verir. 

Məlumata görə, bayram günlərində ölkəmizdə səfərdə olan turistlərin və ölkə vətəndaşlarının valyuta mübadiləsi xidmətlərinə davamlı çıxış imkanlarının təmin edilməsi məqsədilə, ümumilikdə, 22 bankın 178 satış nöqtəsi (o cümlədən, 9 bank üzrə 13 satış nöqtəsi 24 saat rejimində olmaqla), “Azərpoçt”un isə 112 şöbəsi (o cümlədən, 8-i 24 saat rejimində olmaqla) müştərilərə xidmət göstərəcək.

Bayram günlərində AMB-nin yaratdığı bankların fəaliyyətinə nəzarət üzrə xüsusi monitorinq qrupu fəaliyyət göstərəcəkdir. İstehlakçılara fasiləsiz xidmət göstərən qaynar xətt vasitəsilə hər hansı sual və şikayətlə Mərkəzi Banka müraciət oluna bilər.

Koordinator: Azər Quluyev

Qaynar xətt: (+994) 70 922 29 99

Gücləndirilmiş iş rejimində çalışacaq bankların iş qrafiki ilə https://uploads.cbar.az/press-releases/e05b3f6031d3959a6ff2bff89.pdf linki, “Azərpoçt”un satış nöqtələrinin iş qrafiki ilə isə https://uploads.cbar.az/press-releases/7403a6c30b110a9e2e6387c93.pdf linki vasitəsilə tanış olmaq mümkündür. 

Son xəbərlər

Orphus sistemi