ARDNF valyuta satışını 43% artırıb

Bu ilin yanvar-fevral ayında Azərbaycan Dövlət Neft Fondu (ARDNF) 951,1 mln. ABŞ dolları məbləğində valyuta satışı həyata keçirib.

“Report” xəbər verir ki, bu barədə ARDNF məlumat yayıb.

Məlumata görə, bu, ötən ilin eyni dövrü ilə müqayisədə 287,9 mln. dollar və yaxud 43,4% çoxdur.

Xatırladaq ki, ARDNF tərəfindən 2018-ci ilin yanvar-fevral ayları ərzində 663,2 mln. ABŞ dolları məbləğində vəsait satılıb.